کورونا وائرس مزید 43 جانیں نگل گیا، 2117 نئے کیسز رپورٹ
- May 31, 2021, 11:41 am
- COVID-19
- 104 Views
اسلام آباد: ملک میں کورونا کا خونی وائرس مزید 43 افراد کی جانیں نگل گیا جب کہ 2 ہزار 117 نئے مریض سامنے آئے ہیں۔
نیشنل کمانڈ اینڈ آپریشن سینٹر کے جاری کردہ اعداد و شمار کے مطابق ملک میں گزشتہ روز 52 ہزار 223 ٹیسٹ کئے گئے جب کہ 2 ہزار 117 میں اس وائرس کی تشخیص ہوئی، اس طرح کئے ٹیسٹس میں سے مثبت کیسز کی شرح 4.05 رہی۔
ملک میں کورونا کے مجموعی مصدقہ مریضوں کی تعداد 9 لاکھ 21 ہزار 53 ہوگئی ہے۔ پنجاب میں 3 لاکھ 39 ہزار 686 ، سندھ میں 3 لاکھ 17 ہزار 665 ، خیبر پختونخوا میں ایک لاکھ 32 ہزار 549 ، بلوچستان میں 25 ہزار 148 ، اسلام آباد میں 81 ہزار 195 ، آزاد کشمیر میں 19 ہزار 232 جب کہ گلگت بلتستان میں کورونا کے مصدقہ مریضوں کی تعداد 5 ہزار 578 ہے۔
ملک میں کورونا کے 8 لاکھ 41 ہزار 241 مریض اس وبا کو شکست دینے میں کامیاب ہوئے ہیں، پنجاب میں 3لاکھ 9 ہزار 488 ، سندھ میں 2 لاکھ 87 ہزار 44 ، خیبر پختونخوا میں ایک لاکھ 23 ہزار 131 ، بلوچستان میں 23 ہزار 753، اسلام آباد میں 74 ہزار 964 ، آزاد کشمیر میں 17 ہزار 503 جب کہ گلگت بلتستان میں کورونا کے 5 ہزار 358 مصدقہ مریض صحتیاب ہوچکے ہیں۔
ملک میں مزید 43 افراد اس وائرس کا شکار ہوکر لقمہ اجل بن گئے ہیں، اس طرح ملک میں اس وبا سے جاں بحق ہونے والوں کی مصدقہ تعداد 20 ہزار779 ہے، پنجاب میں 9 ہزار 999 ، سندھ میں 5 ہزار20، خیبر پختونخوا میں 4 ہزار 73 ، بلوچستان میں 277 ، اسلام آباد میں 760 ، آزاد کشمیر میں 543 جب کہ گلگت بلتستان میں 107 افراد اس وبا کی بھینٹ چڑھے ہیں۔
ملک میں اس وقت کورونا کے 59 ہزار 33 فعال مریض ہیں جن میں سے 3 ہزار 947 کی حالت تشویشناک ہے۔
کورونا وائرس اوراحتیاطی تدابیر
کورونا وائرس کے خلاف یہ احتیاطی تدابیراختیارکرنے سے اس وبا کے خلاف جنگ جیتنا آسان ہوسکتا ہے۔ صبح کا کچھ وقت دھوپ میں گزارنا چاہیے، کمروں کو بند کرکے نہ بیٹھیں بلکہ دروازے کھڑکیاں کھول دیں اور ہلکی دھوپ کو کمروں میں آنے دیں۔ بند کمروں میں اے سی چلاکربیٹھنے کے بجائے پنکھے کی ہوا میں بیٹھیں۔
سورج کی شعاعوں میں موجود یو وی شعاعیں وائرس کی بیرونی ساخت پر ابھرے ہوئے ہوئے پروٹین کو متاثر کرتی ہیں اور وائرس کو کمزور کردیتی ہیں۔ درجہ حرارت یا گرمی کے زیادہ ہونے سے وائرس پرکوئی اثرنہیں ہوتا لیکن یو وی شعاعوں کے زیادہ پڑنے سے وائرس کمزور ہوجاتا ہے۔
پانی گرم کرکے تھرماس میں رکھ لیں اورہرایک گھنٹے بعد آدھا کپ نیم گرم پانی نوش کریں۔ وائرس سب سے پہلے گلے میں انفیکشن کرتا ہے اوروہاں سے پھیپھڑوں تک پہنچ جاتا ہے، گرم پانی کے استعمال سے وائرس گلے سے معدے میں چلا جاتا ہے، جہاں وائرس ناکارہ ہوجاتا ہے۔
