گزشتہ 24 گھنٹوں کے دوران ملک میں کرونا وائرس کے 2 مریض جاں بحق

گزشتہ 24 گھنٹوں کے دوران ملک میں کرونا وائرس کے 2 مریض جاں بحق

• September 6, 2020, 3:11 pm
• COVID-19
• 205 Views

اسلام آباد: نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران ملک میں کرونا وائرس کے 484 نئے کیسز سامنے آئے جبکہ 2 مریض جاں بحق ہوئے۔

تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 2 مریض جاں بحق ہوئے جس کے بعد ملک میں کرونا وائرس سے اموات کی تعداد 6 ہزار 342 ہوگئی۔

نیشنل کمانڈ سینٹر کے مطابق 24 گھنٹوں کے دوران کرونا وائرس کے 484 نئے کیسز سامنے آئے، ملک میں مجموعی کرونا کیسز کی تعداد 2 لاکھ 98 ہزار 509 ہوچکی ہے۔

این سی او سی کا کہنا ہے کہ سندھ میں کرونا وائرس کے 1 لاکھ 30 ہزار 483، پنجاب میں 97 ہزار 166، خیبر پختونخواہ میں 36 ہزار 591 اور وفاقی دارالحکومت اسلام آباد میں 15 ہزار 734 کیسز رپورٹ ہوئے۔

اسی طرح بلوچستان میں کرونا وائرس کے مصدقہ کیسز کی تعداد 13 ہزار 229، گلگت بلتستان میں 2 ہزار 979 اور آزاد کشمیر میں 2 ہزار 327 ہے۔

ملک میں کرونا وائرس کے فعال کیسز کی تعداد 6 ہزار 269 ہے جبکہ کرونا وائرس کے 2 لاکھ 85 ہزار 898 مریض صحتیاب ہوچکے ہیں۔

این سی او سی کے مطابق گزشتہ 24 گھنٹوں کے دوران کرونا وائرس کے 25 ہزار 384 ٹیسٹ کیے گئے۔ اب تک ملک میں کیے جانے والے مجموعی ٹیسٹوں کی تعداد 27 لاکھ 57 ہزار 709 ہوچکی ہے۔

این سی او سی کا مزید کہنا ہے کہ ملک بھر کے 735 اسپتالوں میں کرونا وائرس کے 1 ہزار 25 مریض زیر علاج جن میں سے 85 مریض وینٹی لیٹر پر زیر علاج ہیں۔