بی اے پی کسی کا سیاسی جماعت کا مینڈیٹ نہیں چھین رہی ، سعید ہاشمی

بی اے پی کسی کا سیاسی جماعت کا مینڈیٹ نہیں چھین رہی ، سعید ہاشمی

• July 22, 2018, 11:35 pm
• National News
• 40 Views

کوئٹہ (پ ر)بلوچستان عوامی پارٹی کے بانی سعید احمد ہاشمی نے کہا ہے کہ بلوچستان کے ساحل و وسائل اور عوام کے حقوق کا دفاع کرنے کے لیے سیاسی فیصلہ سازی کا عمل بلوچستان کے اپنے لوگوں کے پاس ہونا ضروری ہے اور یہ صرف اس صورت ہی ممکن تھا جب بلوچستان کی اپنی سیاسی جماعت ہو بلوچستان عوامی پارٹی بلا شبہ وہ واحد سیاسی جماعت ہے جو بلوچستان کی نمائندہ جماعت ہے بی اے پی کسی سیاسی جماعت یا افراد کا مینڈیٹ نہیں چھین رہی بلکہ لوگ مختلف جماعتوں سے بے زار اور مایوس ہو کر بلوچستان عوامی پارٹی کو امید کی کرن سمجھ کر بی اے پی میں شمولیت اختیار کررہے ہیں بلوچستان عوامی پارٹی ان تمام جماعتوں کے اس خلاء کو پر کرے گی جو وہ عوام کی خدمت کے لئے نہیں کرسکے ان خیالات کا اظہار انہوں نے حلقہ پی بی 29 سے آزاد امیدوار دولت خان بادیزئی مرکزی اہل حدیث کے مفتی احمد رضا قاسمی اور تفویض خان بزدار کی دستبرداری اور لبیک یارسول اللہ کے ناظم اعلی مفتی عبدالرزاق کی حمایت کے موقع پر منعقدہ تقریب سے خطاب کرتے ہوئے کیا اس موقع پر کنٹونمنٹ بورڈ کے کونسلر محمد عامر نے بلوچستان عوامی پارٹی میں شمولیت کا اعلان کیا۔ سعید احمد ہاشمی نے کہا کہ بی اے پی کا مقصد یہی ہے کہ کہ بلوچستان کے لئے جو کام دیگر جماعتیں نہیں کر سکیں وہ ہم کریں عوام اگر ان روایتی جماعتوں سے خوش ہوتے تو اس طرح بی اے پی میں شمولیت نہ کرتے جس طرح موجودہ وقت جوق در جوق شمولیت اختیار کررہے ہیں سعید احمد ہاشمی نے کہا کہ 25 جولائی کو عوام کا ہر فیصلہ ہمیں قبول ہوگا منتخب ہونے کے بعد پہلی بار عوام کے لئے وہ کچھ کردکھائیں گے جو اس سے پہلے کی سیاسی قوتوں نے نہیں کیا انہوں نے کہا کہ بلوچستان عوامی پارٹی جوابدہی کا ایک ایسا مثالی نمونہ پیش کریں گے جس سے ایک عام فرد سے لیکر اعلی حکومتی عہدیدار تک عوامی عدالت میں جوابدہ ہوگا بلوچستان عوامی پارٹی یکساں طور پر احتساب اور جوابدہی کے شکوک و شبہات سے پاک عمل کو فروغ دے گی سعید احمد ہاشمی نے دستبردار ہونے والے امیدواروں اور حمایت کرنے والی شخصیات اور جماعتوں کا شکریہ ادا کرتے ہوئے کہا کہ بلوچستان کی ترقی ہم سب کا خواب ہے اور مل جل کر بلوچستان کو ترقی کی راہ پر گامزن کریں گے۔