پاکستان راہ حق پارٹی عوام کی مایوسی دور کریگی ،مولانا رمضان مینگل

پاکستان راہ حق پارٹی عوام کی مایوسی دور کریگی ،مولانا رمضان مینگل

• July 11, 2018, 10:54 pm
• National News
• 75 Views

کوئٹہ ( آن لائن)اہلسنت والجماعت‘ پاکستان راہ حق پارٹی‘ جمعیت علما ء اسلام نظریاتی کے متفقہ امیدوار برائے این اے 266 مولانا محمد رمضان مینگل این اے 265 قاری عبدالولی فاروقی پی بی 28 سے مفتی کلیم اللہ حیدری پی بی 30 سے حیات معاویہ ایڈوکیٹ نے اپنے بیان میں کہا ہے کہ 25 جولائی کا سورج پاکستان راہ حق پارٹی کی کامیابی کی نوید لے کر نکلے گا پانچ سالوں تک اسمبلیوں میں بیٹھنے والے سیاستدانوں نے عوام کو مایوس کیا پاکستان راہ حق پارٹی عوام کو مایوسی سے نجات دلائے گی کارنر میٹنگ سے خطاب کرتے ہوئے مولانا محمد رمضان مینگل علامہ عبدالرحیم ساجد نے کہا کہ ہم عوام کی خدمت کرنا عبادت سمجھتے ہیں ہم ووٹ اپنے کردار پر حاصل کریں گے اور عوامی مسائل پر توجہ دیں گے عوام 25 جولائی کو اسلام اور پاکستان کی بقا کے لئے استری کے نشان پر مہر لگائیں انہوں نے کہا کہ ہم اہلسنت عوام کے حقوق کے لئے 35 سالوں سے ملک پاکستان میں جدوجہد کررہے ہیں جبکہ اس راستے میں ہم نے کئی ہزار کارکنوں کی جانوں کا نذرانہ پیش کیا لیکن الحمداللہ آج بھی ناموس رسالت ص و ناموس صحابہ رض کیلئے سب کچھ قربان کرنے کو تیار ہیں دریں اثناء این اے 266 کے امیدوار مولانا محمد رمضان مینگل کا مختلف علاقوں کا دورہ اہل علاقہ سے ملاقاتیں علاقائی مسائل پر گفتگو انہوں نے کہا کہ گزشتہ منتخب ایم این اے کے عدم دلچسپی کی وجہ سے حلقہ این اے 266کھنڈرات میں بدلتا جارہا 80فیصد علاقہ پانی کی نعمت سے محروم ہے اکثر علاقوں میں تو پکی سڑکیں تک موجود نہیں اور جہاں سڑکیں ہیں وہ کھڈوں سے بھری پڑی ہیں انہوں نے کہا کہ اگر عوام نے ان مصائب سے نجات حاصل کرنی ہے تو 25جولائی کو استری کے نشان کا انتخاب کریں انشااللہ ہم عوامی مسائل حل کر کے دکھائیں گے دریں اثناء دکی میں اہلسنت والجماعت و پاکستان راہ حق پارٹی کے این اے 258کے امیدوار مولانا نصراللہ نادی نے الیکشن آفس کے افتتاحی تقریب سے خطاب کرتے ہوئے کہا کہ 25جولائی کو عوام استری کے نشان پر مہر لگائیں یہی وہ لوگ ہیں جو عوام کی خدمت فرض سمجھ کر کریں گے ۔