بی ڈی اے کے عارضی ملازمین کومستقل کیاجائے، آغا عمربنگلزئی

بی ڈی اے کے عارضی ملازمین کومستقل کیاجائے، آغا عمربنگلزئی

• July 10, 2018, 10:49 pm
• National News
• 39 Views

کوئٹہ(خ ن)صوبائی وزیر داخلہ آغا عمر بنگلزئی نے کہاکہ تعلیم یافتہ اور ہنر مندنو جوانوں کو روزگا رکی فراہمی حکومت کی ذ مہ داری ہے اور اس کی اولین تر جیح بھی ۔صوبائی وزیر نے چیئرمین بی ڈی اے میجر (ر) اکبر لاشاری سے گفتگو کرتے ہوئے اس امر پر تشویش کا اظہار کیا کہ بی ڈی اے میں تعینات 700ملازمین ابھی تک عا رضی ہیں ۔اور ان کے مستقلی کے مطالبے پر آج تک عمل درآمد نہیں کیا جاسکا ہے ۔انہوں نے چیئرمین بی ڈی اے پر زور دیا کہ بی ڈی اے کے عارضی ملازمین کو مزید کسی تاخیر کے مستقل کیا جائے تاکہ نوجوانوں کو روز گا رکی فراہمی کی ریاستی ذ مہ داری کو پورا کیا جاسکے ۔انہوں نے کہا کہ حکومتی محکموں اور اداروں کو پڑ ھے لکھے با صلاحیت نوجوانوں کو زیادہ سے زیادہ روز گار کی فراہمی یقینی بنانے کے لئیے عملی اقدامات کرنے کی ضرورت ہے ۔چیئرمین بی ڈی اے اکبر لاشاری نے صوبائی وزیر کو یقین دہانی کرائی کہ عا رضی ملازمین کو مستقل کرنے کے معاملے کا جائزہ لیا جائے گا اور زیادہ سے زیادہ افراد کو جلدازجلد مستقل کرنے کی ہرممکن کو شش کی جائے گی۔