گوادرمیں ہونے والے سی پیک پر اربوں روپے کی سرمایہ کاری پرپہلاحق بلوچستان کاہے ، اسلم بھوتانی

گوادرمیں ہونے والے سی پیک پر اربوں روپے کی سرمایہ کاری پرپہلاحق بلوچستان کاہے ، اسلم بھوتانی

• July 6, 2018, 10:16 pm
• National News
• 123 Views

حب (نامہ نگار) گوادرمیں ہونے والے سی پیک پر اربوں روپے کی سرمایہ کاری پرپہلاحق بلوچستان کاہے گوادرکاراستہ لسبیلہ سے ہوکرگزرتاہے سی پیک کے پیسے اورپروجیکٹس اب کہیں اورلگنے نہیں دوں گا۔2002 سے 2013 کے اپنے دور اقتدارمیں دن رات کوششیں کی کہ زیادہ سے زیادہ عوام کی حالت زندگی کوبہتربنایاجائے۔ان خیالات کااظہارسابق اسپیکر وامیدوارحلقہ این اے 272 لسبیلہ گوادراسلم بھو تانی نے نورمحمدبروہی گوٹھ میں ٹی پارٹی پروگرام کے موقع پرخطاب کرتے ہوئے کیا، انہوں نے کہاکہ جب میں برسر اقتدارتھاکسی کوہمت نہیں ہوئی کہ ایک انچ زمین ہتھیاسکے بلکہ جودی گئی تھیں وہ بھی واگزار کرائیں جس میں عرب شہزادوں کوشکارگاہوں کے نام پردی گئیں۔سونمیانی میں بندرگاہ کے نام پرکوڑیوں کے دام فروختگی کورکوایاسترہزارایکڑ حکومت سے واگزار کرائی ان سب کے لیے کوئی لاٹھی بندوق نہیں اٹھائی اپنے دلائل سے اور بھرپورمحنت سے یہ کام سرانجام دیے میراعزم اورحوصلہ اب بھی وہی ہے۔ انشاء4 اللہ گوادر اورلسبیلہ کے حقوق کابھرپورخیال رکھوں گا ہمارے نام پرملنے والے پروجیکٹس بلوچستان میں ہی لگیں گے ریکوڈک، سیندک اور طویل ساحلی پٹی کے حامل صوبہ بلوچستان کے لیے اگرکوئی جامعہ پالیسی بنائی گئی ہوتی تو یہاں کے لوگ کافی خوشحال ہوتے آپ 25 جولائی کو چار پائی پرٹھپہ لگائیں۔ انشاء4 اللہ گوادر لسبیلہ سمیت پورے بلوچستان کی آواز روزپارلیمنٹ میں گونجے گی۔