وفاق نے بلوچستان سے صرف تین لوگوں کی سنی ، جام کمال

وفاق نے بلوچستان سے صرف تین لوگوں کی سنی ، جام کمال

• July 5, 2018, 10:32 pm
• National News
• 64 Views

حب (نامہ نگار)بلوچستان عوامی پارٹی کے سربراہ اور این اے 272 لسبیلہ /گوادر کے امیدوار جام کمال خان کا خطاب نے حب میں جلسہ عام سے خطاب کرتے ہوئے کہا کہ وفاق کے ناروا سلوک کی وجہ سے ہمیں ایک پلیٹ فارم پر جمع ہونا پڑا پچھلی وفاقی حکومت نے بلوچستان کے حوالے سے صرف تین لوگوں میرحاصل خان بزنجو‘محمود خان اچکزئی اور جمعیت کی سنی اور کسی کی نہیں سنی انہوں نے کہا کہ بھوتانی اور جام اتحاد پر ہم کام کرکے لسبیلہ کے لوگوں کو ان کا حق دلانے اور لسبیلہ تمام وسائل فراہم کریں گے لسبیلہ کی سیاست میں مخالفین نے اپنا رول پلے کیا جس کی وجہ سے اتحاد نہ ہوا اور لسبیلہ کی عوام کو کافی نقصان اٹھانا پڑا آج ہمارا اتحاد ووٹ کی ایک پرچی پر نہیں ہے ہمارا سات ملکی سطح پر ہے ہمارا اتحاد ہمیشہ قائم ودائم رہے گا ۔انہوں نے کہا کہ ایک زمانہ تھا کہ حب ٹان کمیٹی میں اتنے فنڈز موجود تھے کہ آج وہ فنڈز پورے نہیں ہوتے کچھ سازشوں کے تحت لسبیلہ کے فنڈز کو وفاق میں منتقل کیا گیا اب لسبیلہ صوبے میں سب سے زیادہ ٹیکس دہندہ ضلع ہے مگر وفاق کی طرف سے فنڈز نہ ملنے کی وجہ کنڈرات میں تبدیل ہوا ہے .انہوں نے کہا کہ حب ایک بڑا شہر بن گیا شہر کی آبادی کو دیکھ کر کہتا ہوں کہ اب یہ شہر ایک ایم پی اے کے فنڈز سے حب کی حالت تبدیل نہیں کرسکتے اگر ہمارے فنڈز سے شہروں کی حالت بدل نہیں سکتی تو لسبیلہ کی عوام اپنا حق مانگنا چھوڑ نہ دیں جام بھوتانی اتحاد سے لسبیلہ کی حالت اقتدار میں آکر تبدیل کردیں گے حب کوئٹہ کے بعد دوسرے نمبر پر ہے اور پاکستان کو زیادہ ریونیو لسبیلہ سے جارہا ہے لسبیلہ میں فیکٹریاں اور زراعت کے ساتھ ساتھ دیگر وسائل موجود ہیں انہوں نے کہا کہ نیشنل پارٹی کی کم اکثریت پر ان کا چئیرمین بنایا کیونکہ ہم نے ایک وعدہ کیآ جو نبایا نیشنل پارٹی نے ڈھائی سال حکومت کی مگر بلوچستان سمیت لسبیلہ میں کو ئی عوامی کام نہیں ہوا ہماری بھی جماعت اقتدار میں وفاق میں رہا مگر ہم نے بھی لسبیلہ کی عوام کو کچھ نہیں دیا پانچ سالوں میں پانچ ارب خرچ ہوئے مگر جو اسکیمات تھیں وہ دس سال پہلے کی تھی جام کمال خان نے کہا کہ بلوچستان عوامی پارٹی کو جو ذمہ داری دی اس ذمہ داری کو مخلصی سے نبھاکر بلوچستان کے عوام کو بہتر مستقبل فراہم کریں گے لوگ سوشل میڈیا پر کہتے ہیں کہ باپ پارٹی میں لوگ نہیں ہیں تو آج اس پنڈال میں لوگ نہیں تو کیا ہیں ہم دوسرے شہروں سے لوگ نہیں لاتے یہ لسبیلہ کی عوام ہے دوسری جماعتوں کیلوگ جوق در جوق شامل ہورہے ہیں کیوں کہ باپ پارٹی بلوچستان میں ابھرتی ہوئی پارٹی بن کر آئندہ حکومت میں آئے گی جلسہ عام سے خطاب کرتے ہوئے بلوچستان عوامی پارٹی کے نامزد امیدوار صوبائی اسمبلی حلقہ پی بی 49 کے امیدوار سردار محمد صالح بھوتانی نے کہا کہ جام بھوتانی کی اتحاد پر عوام نے خوشی کا اظہار کیا یہ اتحاد لسبیلہ کی عوام کے لیے کیا ہے کچھ لوگ اس اتحاد میں دراڑھے پیدا کر رہے ہیں مگر ان کو منہ کی کھانی پڑے گء انہوں نے کہا کہ سی پیک سے ویسٹرن روٹ کا وعدہ کیا گیا مگر وہ دوسرے صوبے میں بنائی جاری ہے سی پیک کی باتیں کی جاری ہے مگر گوادر میں عوام کے لیے پینے کا پانی تک نہیں ہے۔انہوں نے کہا کہ باپ پارٹی ہم نے جام پر اعتماد کر کے بنائی اور جام کمال سے بہتر باپ پارٹی کی سربراہی کوئی نہیں کرسکتا.انہوں نے کہا کہ لوگ کہتے ہیں کہ کسی کے اشارے پر ’’باپ‘‘ پارٹی بنائی گئی ہیں مگر ان کو پتہ نہیں کہ بلوچستان کے عوام کی محبت شامل ہیں ۔