عام انتخابات میں امن امان برقرار رکھنے کے لئے پولیس اپنی ذمہ داری پوری ایمانداری سے ادا کرے گی،منیر ضیاء

عام انتخابات میں امن امان برقرار رکھنے کے لئے پولیس اپنی ذمہ داری پوری ایمانداری سے ادا کرے گی،منیر ضیاء

• June 9, 2018, 10:44 pm
• National News
• 38 Views

نصیرآباد(خ ن ) ڈی آئی جی پولیس نصیر آبادرینج راؤ منیر احمد ضیاء نے کہا ہے کہ نصیر آباد ڈویژن میں عام انتخابات میں امن امان برقرار رکھنے کے لئے پولیس اپنی ذمہ داری پوری ایمانداری سے ادا کرے گی۔آنے والے انتخابات کو شفاف بنانے کے لئے رینج بھر پولنگ اسٹیشنوں، ووٹرز اور الیکشن کمیشن کے عملے کی سیکورٹی کے لئے فول پروف انتظامات کئے جا رہے ہیں۔تمام ایس پیز کو خصوصی ہدایات کی گئی ہیں کہ وہ اپنے علاقوں میں جرائم کی روک تھام کے لئے خصوصی اقدامات کریں اس معاملے میں کسی قسم کی کوتاہی برداشت نہیں کی جائے گی ڈی آئی جی پولیس نصیر آباد راؤ میر احمد ضیاء کا کہنا تھا کہ رینج کے 05 اضلاع کے تھانوں کی حدودو میں 543 پولنگ اسٹیشن قائم کئے گئے ہیں جس میں سے 156کوانتہائی حساس، 318کو حساس اور 68 پولنگ اسٹیشن کو حسب معمول (نارمل) درجے میں رکھے گئے ہیں۔انتخابات میں عوام کو پر امن ماحول ل فراہم کرنے کے لئے 04ہزارسے زائد پولیس اہلکار اپنے فرائض سر انجام دیں گے ۔