اکیسویں رمضان المبارک کو حضرت علی کرم اللہ وجہہ کے شہادت کے حوالے سے نکالے جانے والے ماتمی جلوس کے انتظامات کا

اکیسویں رمضان المبارک کو حضرت علی کرم اللہ وجہہ کے شہادت کے حوالے سے نکالے جانے والے ماتمی جلوس کے انتظامات کا جائزہ لیا گیا

• June 1, 2018, 8:53 pm
• National News
• 258 Views

کوئٹہ(آن لائن) ڈی آئی جی آپریشن عبدالزاق چیمہ کے زیر صدارت اعلی سطح کااجلاس ہوا جس میں اکیسویں رمضان المبارک کو حضرت علی کرم اللہ وجہہ کے شہادت کے حوالے سے نکالے جانے والے ماتمی جلوس کے انتظامات کا جائزہ لیا گیا اجلاس میں ایس ایس پی آپریشن متعلقہ تھانوں کے ایس پیز مختلف محکموں کے افسران مرکزی انجمن تاجران کے سیکرٹری اللہ داد ترین علمائے کرام اہلسنت علمائے کرام اہل تشیع عہدیداران شیعہ کانفرنس جلوس کے روٹ کے میٹروپولیٹن کے کونسلرز نے شرکت کی ڈی آء جی آپریشن نے اجلاس کو حفاظتی انتظامات سے آگاہ کیا اور شرکااجلاس کی جانب سے تجاویز نوٹ اور قابل عمل تجاویز کو سیکورٹی پلان کا حصہ بنایا ڈی آء جی عبدالرزاق چیمہ اور شرکائے اجلاس نے مرکزی انجمن تاجران کے کردار اور تعاون کو بہت سراہا اس موقع پر مرکزی انجمن تاجران بلوچستان کے ترجمان اللہ داترین نے گزشتہ سال حفاظتی انتظامات کے نام پر کوئٹہ کے شہریوں کو پیش آنے والی دشواریوں کا ذکر کیا اور اس سال ایسے اقدامات سے گریز کرنے پر زور دیا جس عوام کو دشواری کا سامنا کرنا پڑے اللہ دادترین نے اجلاس کو بتایا چونکہ جلوس رات دس بجے کے بعد نکلتا ہے اور سیکورٹی ادارے افطاری سے پہلے راستے بند کردیتے ہیں جس سے روزہ داروں کو مشکلات کا سامنا کرنا پڑتا اورشہر میں شدید ٹریفک جام ہوجاتا ہے لہٰذا ہمارا مطالبہ کہ جلوس کے روٹ کے راستے نماز مغرب کے بعد سیل کئے جائیں اور دوسری بات یہ ھے کہ چونکہ اکیسویں رمضان کو عید کی خریداری عروج پر ہوتی ہے اور یہی تاجروں کا سیزن ہے لہٰذا موثر حفاظتی انتظامات کے ساتھ ساتھ تاجروں کا خیال بھی رکھاجائے تاکہ آرٹ سکول روڈ سے ستار روڈ اور لیاقت بازار کی طرف کی معمولات زندگی متاثر نہ ھوں اجلاس تجاویز کو متفقہ طور پر منظور کرتے ہوئے اس پر بھرپور عمل درامد کرنے کا اعادہ کیاگیا اجلاس کے شرکا نے کہا کہ کوئٹہ کے عوام کے درمیان کسی قسم کی فرقہ واریت نہیں ہم سب متحدہیں۔