اے ون سٹی عدم توجہی کا شکار ،مسائل کے انبار لگ گئے

اے ون سٹی عدم توجہی کا شکار ،مسائل کے انبار لگ گئے

• May 28, 2018, 4:59 pm
• National News
• 163 Views

کوئٹہ(اسٹاف رپورٹر)صوبائی دارالحکومت کے نواحی علاقےاے ون سٹی میں مسائل کے انبار بنیادی سہولیات کا فقدان منتخب نمائندوں اور متعلقہ حکام کی عدم توجہی مکین عاجز آگئے تفصیلات کے مطابق اے ون سٹی کےمکین اس دور جدید میں بھی بنیادی سہولیات سے محروم ہیں صفائی کی صورتحال ناگفتہ بہ ہے جگہ جگہ گندگی کے ڈھیر لگے ہوئے ہیں جس سے شدید تعفن پھیل رہا ہے اور امراض پھیلنے کا بھی خطرہ ہے علاقے میں نکاسی آب کا نظام بھی درہم برہم ہےمکینوں نے خودساختہ نالیاں بنائی ہوئی ہیں جس میں کچرہ پھنس جانے کی وجہ سےگندہ پانی سٹرک پر بہتا رہتا ہےاور گلیاں کیچڑ میں تبدیل ہوجاتی ہیں دوسری جانب اسٹریٹلائٹس بھی نایاب ہیں جسکی وجہ سے سر شام ہی اندھیرا چھا جاتا ہےاے ون سٹی کی سٹرکیں بھی ٹوٹ پھوٹ کا شکار ہیں اہل علاقہ نے بتایا کہ منتخب نمائندوں کی عدم توجہی کے باعث علاقہ کھنڈرات کا منظر پیش کررہا ہے انہوں نےمطالبہ کیا ہے کہ فی الفور مذکورہ علاقے کے مسائل حل کیئے جائیں۔