اتنی قربانیاں دے کر ہم پاگل ہیں کہ ڈیل کرلیں گے
- July 6, 2021, 7:10 pm
- Political News
- 522 Views
اسلام آباد: نائب صدر مسلم لیگ (ن) نے حکومت کے ساتھ ڈیل کی خبروں کی سختی سے تردید کرتے ہوئے کہا کہ کیوں اور کس کیساتھ ڈیل ہوگی؟اتنی قربانیاں دےکرہم پاگل ہیں کہ ڈیل کرلیں گے۔
تفصیلات کے مطابق ایون فیلڈ ریفرنس کیس کی سماعت کے بعد میڈیا سے گفتگو کے دوران صحافی نے مریم نواز سے سوال کیا کہ آپ کی حکومت ڈیل ہورہی ہے، جس پر مریم نواز نے کہا کہ آپ تو ہربات میں ڈیل نکال کر لےآتےہیں، کیوں اور کس کیساتھ ڈیل ہوگی؟ اتنی قربانیاں دے کرہم پاگل ہیں کہ ڈیل کرلیں گے، مخالفین کو نظر آرہا ہے کہ آزاد کشمیر الیکشن نون لیگ بھاری اکثریت سے جیتے گی۔
میڈیا سے گفتگو میں مریم نواز نے کہا کہ مجھےایسالگ رہا ہے کہ اسرائیل کو تسلیم کرنےکی تیاری کرلی گئی ہے، بہت سی نیوز ایجنسی سارے لوگ ایساہی کہہ رہےہیں ، حکومت کی جانب سے کوئی تردید نہیں آئی، آپ نےدوستی کرنی ہےتو یہ ذاتی فیصلہ نہیں بائیس کروڑ عوام کا ہے، خارجہ پالیسی آپ کی سیاسی اسٹینڈنگ سےلنک نہیں ہونی چاہئے اور بدلتےسیاسی حالات دیکھےبغیر خارجہ پالیسی نہیں بنانی چاہئے۔
ئانب صدر مسلم لیگ نون کا کہنا تھا کہ اسٹبلشمنٹ کی چوائس عمران خان کی صورت مسلط کی جاتی ہےتو نتیجہ قوم دیکھ رہی ہے، اسٹیبلشمنٹ کی چوائس عمران خان کی شکل میں عوام پر مسلط ہے، انشااللہ اب جب یہ حکومت جائےگی تو دوبارہ نہیں آئےگی۔
وزیراعظم کے ناراض بلوچ رہنماؤں سے بات چیت سے متعلق بیان پر مریم نواز کا کہنا تھا کہ ہزارہ برادری بلارہی تھی تو آپ کہہ رہے تھے لاشوں سے بلیک میل نہیں ہونگا، سب سے پہلے آپ کو ہزارہ برادری والوں کے پاس جاناچاہئےتھا وہ بھی کوئٹہ کے لوگ تھے، آپ کے قول وفعل میں تضاد سے بلوچستان دورجائےگا، انہیں پاکستان سےجوڑ کر رکھنا چاہئے،جتنے آپ پاکستانی ہیں وہ بھی اتنے ہی پاکستانی ہیں۔
صحافیوں کی جانب سے سوات جلسے میں شرکت نہ کرنے پر مریم نواز کا کہنا تھا کہ پی ڈی ایم سوات جلسے میں سب کی نمائندگی شہباز شریف نےکی، جہاں شہباز شریف ہوں وہاں ہماری ضرورت نہیں ہوتی، پی ڈی ایم یہ باور کرانے میں کامیاب ہوچکی کہ حکومت نااہل ہے، پی ڈی ایم نے بہت بڑے مقاصد حاصل کئے ہیں۔
