اسپتالوں میں وینٹی لیٹرز کی دستیابی کے حوالے سے معلومات، ‘پاک نگہبان ایپ’ لانچ

اسپتالوں میں وینٹی لیٹرز کی دستیابی کے حوالے سے معلومات، ‘پاک نگہبان ایپ’ لانچ

• June 5, 2020, 4:21 pm
• COVID-19
• 120 Views

اسلام آباد : حکومت نے کورونا کی مریضوں کی تعداد میں اضافے کے پیش نظر وینٹی لیٹرزکی اسپتالوں میں دستیابی پر پاک نگہبان ایپ لانچ کردی، ایپ کسی بھی ایمرجنسی میں زندگیاں بچانےمیں معاون ثابت ہو گی۔

تفصیلات کے مطابقنیشنل کمانڈ اینڈ آپریشن سینٹر نے ملک میں مریضوں کی تعداد میں اضافے کے پیش نظر بڑا اقدام اٹھایا اور وینٹی لیٹرزکی اسپتالوں میں دستیابی پرایپ لانچ کردی۔

این سی اوسی نے کہا ملک بھر میں 1110اسپتالوں کو پاک نگہبان ایپ سے منسلک کردیاگیا ہے ، ایپ سےاسپتال میں وینٹی لیٹرز،بیڈ دستیابی کی آگاہی لی جاسکتی ہے، ایپ کسی بھی ایمرجنسی میں زندگیاں بچانےمیں معاون ثابت ہو گی۔

ترجمان کا کہنا تھا این سی اوسی نےریسورس مینجمنٹ سسٹم کا اجراکر دیا ہے، آرایم ایس سسٹم کےذریعےملک بھرمیں 15459اسپتالوں کو منسلک کیا گیا ، سسٹم سےصوبےاپنے اسپتالوں کے اندر سہولتوں کا جائزہ لےسکتےہیں۔

این سی اوسی کے مطابق آرایم ایس کے ذریعے اسپتالوں کی انوینٹری کوچیک کیا جا سکے گا، جس اسپتال میں کمی ہو گی وہاں سہولتیں بہتر بنانے میں مدد ملے گی۔

دوسری جانب اسدعمرکی زیرصدارت نیشنل کمانڈاینڈ آپریشن سینٹرکاخصوصی اجلاس ہوا، جس میں بریفنگ میں بتایا گیا کہ این سی اوسی کی ماہرین،مینجمنٹ ایکسپرٹس کی ٹیم کراچی پہنچ گئی ہے، ڈاکٹرفیصل سلطان کی قیادت میں ٹیم لوکل انتظامیہ مہارتیں شیئر کرے گی اور ضروریات کاجائزہ لیاجائے گا۔

اجلاس میں صوبوں میں ایس اوپیزپرعمل درآمدکےحوالےسےبریفنگ میں کہا گیا بلوچستان میں ایس اوپیز کی خلاف وزری پر3ہزاردکانیں سیل کی گئیں، صوبےمیں ایس اوپیزپر عمل کےلیےموثرعوامی مہم بھی یقینی بنائی گئی۔