یکم جون سےمزید 10 مسافر ٹرینیں چلا رہے ہیں، شیخ رشید

یکم جون سےمزید 10 مسافر ٹرینیں چلا رہے ہیں، شیخ رشید

• May 29, 2020, 12:20 pm
• Business News
• 103 Views

وزیر ریلوے شیخ رشید احمد کا کہنا ہے کہ یکم جون سےمزید 10 مسافر ٹرینیں چلا رہے ہیں جس کے بعد کل 142 مسافر ٹرینوں میں سے 40 ٹرینیں چلنا شروع ہو جائیں گی۔

لاہور میں جیو نیوز سے خصوصی ٹیلیفونک گفتگوکرتے ہوئے شیخ رشید نے بتایا کہ ٹرینوں کو طےشدہ ایس او پیز کے تحت چلایا جائے گا اور مسافروں کی سہولت کے لئےانٹرنیٹ کےذریعے بکنگ کے ساتھ ساتھ بکنگ دفاتر بھی کھلے رہیں گے۔

ان کاکہناتھاکہ وہ وزیراعظم عمران خان کے مشکور ہیں جنہوں نے 40 ٹرینیں چلانے کی اجازت دی۔

وزیر ریلوے نے کہا کہ ٹرینوں کی بندش سے ریلوے کو ماہانہ 5 ارب روپے کا نقصان ہو رہا تھا۔