ویڈیو گیم پب جی پر پابندی، عدالت کا بڑا حکم آگیا

ویڈیو گیم پب جی پر پابندی، عدالت کا بڑا حکم آگیا

• May 18, 2020, 8:51 pm
• Entertainment News
• 311 Views

لاہور : ہائیکورٹ نے ویڈیو گیم پب جی پر پابندی کے لیے درخواست پر پی ٹی اے کو قانون کے مطابق فیصلہ کرنے کا حکم دے دیا اور درخواست نمٹا دی۔

تفصیلات کے مطابق لاہور ہائی کورٹ کے جسٹس عاطر محمود کی سربراہی میں دو رکنی بینچ نے ویڈیو گیم پب جی پر پابندی کی درخواست پر سماعت کی، درخواست شہری فیضان مقصود نے دائر کی۔

جس میں موقف اختیار کیا گیا کہ ویڈیو گیم پب جی بچوں کی شخصیت پر منفی اثر ڈال رہی ہے ، اس گیم کی وجہ سے بچوں میں قوت فیصلہ کی کمی اور شدت پسندی بڑھ رہی ہے۔

درخواست میں استدعا کی گئی تھی کہ گیم کو پلے سٹور سے ہٹایا جائے، جس پر لاہور ہائیکورٹ نے دلائل سننے کے بعد پی ٹی اے کو چھ ہفتے میں فیصلہ کرنے کا حکم دیتے ہوئے درخواست نمٹا دی۔