COVID-19

ڈنمارک میں 5 ہفتوں تک کورونا سے لڑنے کے بعد وفات پانے والے پاکستانی کی اہلیہ شیمہ طارق کی جانب سے سوشل میڈیا پر جاری کیے گئے پیغام نے سب کو آبدیدہ کردیا

• May 17, 2020, 5:42 pm
• COVID-19
• 83 Views

ڈنمارک میں 5 ہفتوں تک کورونا سے لڑنے کے بعد وفات پانے والے پاکستانی فیصل کی اہلیہ شیمہ طارق کی جانب سے سوشل میڈیا پر جاری کیے گئے پیغام نے سب کو آبدیدہ کردیا۔ شیمہ طارق نے فیس بک پر اپنے پیغام میں لکھا ہے کہ ''15 مئی 2020 بروز جمعہ شام 7:30 بجے رمضان کے آخری مقدس 10 دنوں کے دوران عصر کے اوقات کے وقت میرے شوہر 5 ہفتوں تک کورونا سے لڑنے کے بعد اس دنیا سے چلے گئے۔
'' شیمہ طارق نے بتایا ہے کہ '' میرے شوہر کو بہترین علاج مہیا کیا گیا اور انہیں بہت پیار اور احترام کے ساتھ سنبھالا گیا اور انکی بہترین نگہداشت کی گئی۔ مجھے ایک لمحہ بھی ان کے علاج کے بارے میں فکر کرنے کی ضرورت نہیں پڑی۔ طبی عملے نے ہرممکن کوشش کی اور یہ ایک آسان جنگ نہیں تھی۔
مجھے بےحد فخر ہے کہ انہوں نے یہ جنگ بڑی طاقت اور اللہ کے فضل سے لڑی تھا تاہم اللہ تعالیٰ نے ان کے لئے مختلف منصوبے بنائے تھے اور میرے شوہر شہادت ہوگئے۔

https://www.facebook.com/sheemaa.tariq/posts/10157152852787026

میں ہر شے کیلئے اللہ کی شکر گزار ہوں کہ اس نے ہمارے لیے جو کیا بہترین کیا۔'' شیمہ نے مزید بتایا کہ ''ہم سب باقی اہلِ خانہ کا کورنا ٹیسٹ گزشتہ اتوار منفی آگیا تھا جس کے باعث مجھے فیصل سے ملنے کی اجازت مل گئی۔ مجھے خوشی ہے کہ ان کا ہاتھ میرے ہاتھ میں تھا جب ان کی روح ان کے جسم سے پرواز کرگئی۔ اللہ نے مجھے فیصل سے اپنا وعدہ پورا کرنے پر شرف بخشا کہ ہماری زندگی میں جو بھی مشکل آئے میں انہیں کبھی بھی اکیلا نہیں چھوڑوں گی۔
میں ان کے پاس کھڑی تھی اور میں نے ان سے بہت سی باتیں کیں۔ میں نے ان تک انکے خاندان کے محبت بھرے پیغام پہنچائے. جب وہ دنیا سے گئے تو وہ ایک خاص لمحہ تھا، اس وقت کمرے میں بہت سکون تھا۔ ان کے دنیا سے جانے سے قبل نرسوں اور ڈاکٹر نے مجھے ان کے ساتھ وقت گزارنے کا موقع دیا اور انہوں نے کوئی جلدی نہیں کی انہوں نے مجھے وقت دیا کہ میں کچھ پڑھنا چاہتی ہوں تو پڑھ لوں، انکو چومنا چاہتی ہوں یا انہیں گلے لگانا چاہتی ہوں تو لگا لوں۔
'' شیمہ طارق نے مزید بتایا کہ ''میں نے انہیں آب زم زم دیا ، ان کے کانوں میں کلمہ پڑھا ، ان کے کانوں میں اذان دی ، ان پر کچھ سورتیں تلاوت کیں ، جیسا کہ میں ان پر روزانہ کرتی تھی۔ میں نے کہا فیصل میں آپ کا ہاتھ تھام رہی ہوں ، آپ ابھی جانا چاہتے ہیں ، آپ جا سکتے ہیں۔ میں آپ کا ہاتھ تھام لوں گی تاکہ آپ کے لئے جانا آسان ہوجائے ، اور مجھے اپنے وعدے کو پورا کرنے کا سکون ملے۔
" میں نے نرسوں سے درخواست کی کہ وہ اپنا ای سی ایم او بند کریں۔ ڈاکٹر نے کھڑکی کھول دی، انہوں نے مجھے ان کے قریب چھوڑ دیا اور ان کی روح ان کے جسم کو چھوڑنے کے لئے آگے بڑھی تو وہ سب پیچھے ہٹ گئے۔ یہ ایک بہت زیادہ ابر آلود دن تھا ، لیکن اس لمحے میں دھوپ کی کرنیں ان کے پیروں پر چمکتی ہوئی کھڑکی سے آرہی تھیں۔ اور 10 منٹ بعد ڈاکٹر نے مجھے بتایا اب وہ جاچکے ہیں۔
میں نے ان سے الوداعی بوسہ لیا اور کہا "اب آپ اپنی بیٹیوں کو، اپنے والدین کو، ​​اپنے بھائی اور بہن کو الوداع کہہ سکتے ہوئے اپنا آخری سفر شروع کر سکتے ہیں۔ میں آپ کو اس جہان کے دوسری طرف ملوں گی اور اپنے لیے وہاں ایک خاص جگہ کی درخواست کروں گی۔'' شیمہ نے لکھا ہے کہ ''کل میں نے صرف اپنے شوہر کو نہیں کھویا ، میں نے اپنا سب سے اچھا دوست ، ہر چیز میں اپنا ساتھی کھو دیا۔
ہماری پوری زندگی ایک دوسرے کے گرد گزری، انہوں نے مجھے سب سے خوبصورت 15 سال دیئے۔ میں ان سے بہتر شوہر نہیں مانگ سکتی تھی۔ انہوں نے مجھ سے محبت کی اور مجھے اپنی تمام خامیوں سمیت قبول کیا اور اس کے ساتھ انہوں نے مجھے ایک خوبصورت گھر دیا۔ ایک ایسا کنبہ جو مجھ سے اپنے جیسے پیار کرتا ہے۔ آج وہ چلے گئے ہیں لیکن انہوں نے مجھے بہت اچھے لوگوں کے کنبے میں چھوڑا ہے۔
یہ 5 ہفتے جو میں ان کے ساتھ نہ رہ سکی میرے لئے سب سے مشکل ترین تھے ، یہ حقیقت کہ میں ان کو تسلی دینے کے لئےوہاں نہیں ہوسکتی تھی روزانہ مجھے مار دیتی تھی۔ میں ان سے فون پر زیادہ سے زیادہ بات کرتی تھی۔'' شیمہ نے لکھا کہ ''ان 5 ہفتوں میں مجھے پھر سے ان سے پیار ہوگیا۔ مجھے نہیں معلوم تھا کہ بہت دیر ہو چکی تھی یا شاید یہ صحیح وقت تھا تاکہ میں اپنی باقی زندگی اسی محبت کے ساتھ گزاروں۔ مجھے خوشی ہے کہ میں اور ہماری بیٹیاں ان کو یہ بتانے کے قابل تھیں کہ ہم نے ان سے کتنا پیار کرتے ہیں، جب ہم نے گذشتہ جمعرات کو ان کے ساتھ ایک ویڈیو بنائی اور انہوں نے ہمیں بتایا کہ وہ ہم سے کتنا پیار کرتے ہیں۔