کوئٹہ میں تاجروں کا مرحلہ وار دکانیں کھولنے کا اعلان

کوئٹہ میں تاجروں کا مرحلہ وار دکانیں کھولنے کا اعلان

• April 14, 2020, 10:49 pm
• National News
• 310 Views

کوئٹہ میں بھی تاجروں نے کل سے مرحلہ وار دکانیں کھولنے کا اعلان کردیا۔

صدر مرکزی انجمن تاجران رحیم کاکڑ نے پریس کانفرنس کرتے ہوئے کہا کہ 30 اپریل تک لاک ڈاؤن کا حکومتی فیصلہ افسوس ناک ہے کیوں کہ لاک ڈاؤن کے باعث تاجربرادری نفسیاتی مریض بن گئی ہے۔

صدر مرکزی انجمن تاجران کی حکومتی مذاکراتی کمیٹی سے نشست ہوئی تھی جس میں حکومت نے یقین دلایا تھا کہ 3 مہینے کا بجلی اور گیس کا بل معاف کیا جائے گا لیکن اس حوالے سے کوئی پیش رفت نہیں ہوئی، جب کہ اس اس سلسلے میں 19 اپریل کو حکومتی مذاکراتی کمیٹی سے ایک اور نشست ہوگی۔
رحیم کاکڑ نے کل سے دکانیں کھولنے کا اعلان کرتے ہوئے کہا کہ پہلے مرحلے میں درزی، ڈرائی فروٹ کی دکانیں کھولی جائیں گی۔