حکومت نےسی ایس ایس امتحانات کیلیے عمر کی حد میں تبدیلی کی تردید کردی

حکومت نےسی ایس ایس امتحانات کیلیے عمر کی حد میں تبدیلی کی تردید کردی

• December 6, 2019, 10:45 am
• Education News
• 189 Views

اسلام آباد: وزیراعظم کےمشیربرائےادارہ جاتی اصلاحات ڈاکٹرعشرت حسین نے سینٹرل سپیرئیر سروسز(سی ایس ایس) امتحانات کے لیے مقررہ عمر کی حد میں تبدیلی کی تردید کردی۔

تفصیلات کے مطابق وزیراعظم کےمشیربرائےادارہ جاتی اصلاحات ڈاکٹرعشرت حسین نے بیان میں کہا ہے کہ سی ایس ایس امتحانات کے لیے عمرمیں کمی کی خبرمیں صداقت نہیں ہے۔

انہوں نے بتایا کہ حکومت نےسرکاری ملازمین کیلئےعمرکی حدمیں کمی نہیں کی اور نہ ہی دیگر امیدواروں کیلئےعمرکی حدمیں کمی کی گئی ہے۔

ڈاکٹرعشرت حسین کا کہنا تھا کہ کوٹہ سسٹم میں بھی کوئی تبدیلی نہیں کی جا رہی۔

واضح رہے کہ بعض اخبارات اور ٹی وی چینلز میں یہ خبریں شائع ہوئی تھیں کہ سی ایس ایس امتحانات کے لیے سرکاری ملازمین و دیگر امیدواروں کے لیے مقررہ عمر کی حد میں تبدیلی کی جارہی ہے۔

خبروں میں بتایا گیا تھا کہ سی ایس ایس امتحانات کے لیے سرکاری و دیگر امیدواروں کی بالائی عمر کی حد میں 2 سال کمی کرنے کا فیصلہ کیا گیا ہے۔