خدا کیلئے مجھے نکالو‘کا سفر اختتام کی طرف، فواد چوہدری

خدا کیلئے مجھے نکالو‘کا سفر اختتام کی طرف، فواد چوہدری

• November 19, 2019, 11:36 am
• Breaking News
• 118 Views

وفاقی وزیر برائے سائنس و ٹیکنالوجی چوہدری فواد حسین کا کہنا ہے کہ ’مجھے کیوں نکالا ‘ سے’خدا کیلئے مجھے نکالو‘ کا سفر اب اختتام کی طرف بڑھ رہا ہے۔

“مجھے کیوں نکالا “سے “خدا کیلئے مجھے نکالو” کا سفر اب اختتام کی طرف بڑہ رہا ہے۔ ایسی لیڈر شپ جب ووٹ کیلئے عزت مانگتی ہے تو دراصل جمہوری نظام کا مذاق بنتا ہے۔ مجھے مسلم لیگ ن کے ان ورکرز سے ہمدردی ہے جو نواز شریف کو لیڈر مان کر دن رات کھجل خراب ہوتے رہے۔

— Ch Fawad Hussain (@fawadchaudhry) November 19, 2019

فواد حسین نے سماجی رابطے کی ویب سائٹ ٹوئٹر پر سابق وزیراعظم نواز شریف کی بیرون ملک جانے پر تبصرہ کرتے ہوئے ایک ٹوئٹ میں کہا ہے کہ ایسی لیڈر شپ جب ووٹ کے لیے عزت مانگتی ہے تو دراصل جمہوری نظام کا مذاق بنتا ہے۔

انہوں نے کہا کہ مجھے مسلم لیگ ن کے ان ورکرز سے ہمدردی ہے جو نواز شریف کو لیڈر مان کر دن رات کھجل خراب ہوتے رہے ہیں۔

واضح رہے کہ سابق وزیرِ اعظم نواز شریف علاج کی غرض سے بیرونِ ملک روانہ ہوگئے ہیں، قطر سے انہیں لینے کے لیے آنے والی ایئر ایمبولینس علامہ اقبال انٹرنیشنل ایئر پورٹ پر موجود تھی جس میں وہ لندن روانہ ہوئے۔

اس سے قبل نواز شریف جاتی امراء سے ایئر پورٹ پہنچے جہاں اُن کا ایئر پورٹ پر بھی میڈیکل چیک اپ ہوا۔

میاں شہباز شریف اور ڈاکٹر عدنان بھی نواز شریف کے ہمراہ لندن روانہ ہوئے ہیں۔