فواد چوہدری کا اپوزیشن سے ڈپٹی اسپیکر کیخلاف تحریک عدم اعتماد واپس لینے کا مطالبہ

فواد چوہدری کا اپوزیشن سے ڈپٹی اسپیکر کیخلاف تحریک عدم اعتماد واپس لینے کا مطالبہ

• November 12, 2019, 11:53 am
• Political News
• 94 Views

اسلام آباد : وزیرسائنس اینڈ ٹیکنالوجی فواد چوہدری نے اپوزیشن سے ڈپٹی اسپیکر کے خلاف تحریک عدم اعتماد واپس لینے کا مطالبہ کرتے ہوئے کہا جب آپ ناکام ہوتے ہیں تو اداروں کیخلاف مہم جوئی کرتے ہیں۔

تفصیلات کے مطابق وزیرسائنس اینڈ ٹیکنالوجی فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا اپوزیشن ڈپٹی اسپیکرقاسم سوری کیخلاف تحریک عدم اعتمادواپس لے، ہر2ماہ بعدآپ ایسااقدام لیتےہیں جس سےسیاسی تلخی میں اضافہ ہوتاہے، جب آپ ناکام ہوتےہیں تواداروں کیخلاف مہم جوئی کرتے ہیں ، یہ مناسب رویہ نہیں۔

اپوزیشن ڈپٹی اسپیکر قومی اسمبلی قاسم سوری کیخلاف تحریک عدم اعتماد واپس لے ، ہر دو ماہ بعد آپ ایک ایسا اقدام لیتے ہیں جس سے سیاسی تلخی میں اضافہ ہوتا ہے اور جب آپ ناکام ہوتے ہیں تو اداروں کیخلاف مہم جوئ شروع کر دیتے ہیں یہ مناسب رویہ نہیں۔

— Ch Fawad Hussain (@fawadchaudhry) November 12, 2019

یاد رہے اپوزیشن نے ڈپٹی اسپیکر قومی اسمبلی قاسم سوری کے خلاف تحریک عدم اعتماد جمع کرائی تھی ، تحریک آرٹیکل 53 کے تحت جمع کرائی گئی، جس میں کہا گیا ڈپٹی اسپیکر قاسم سوری نے آئین اور قواعد کی خلاف ورزی کی ہے، ڈپٹی اسپیکر ارکان اسمبلی کا اعتماد کھو چکے ہیں۔

قبل ازیں قومی اسمبلی کے اجلاس سے اظہار خیال کرتے ہوئے مسلم لیگ ن کے رہنما خواجہ آصف نے اعلان کیا تھا کہ ڈپٹی اسپیکر قاسم سوری کے خلاف عدم اعتماد کی تحریک لائی جائے گی، اِسٹے آرڈر کے پیچھے چھپے ڈپٹی اسپیکر نے 12 آرڈیننس بغیر کارروائی پاس کرائے، قاسم سوری نے اسپیکر کی کرسی پر بیٹھ کر یہ سیاہ دن دکھایا۔