اکائیوں کو مکمل اختیارات دیکر ہی ملک چلایا جاسکتا ہے، نواب اسلم رئیسانی

اکائیوں کو مکمل اختیارات دیکر ہی ملک چلایا جاسکتا ہے، نواب اسلم رئیسانی

• October 5, 2018, 11:04 pm
• National News
• 118 Views

مستونگ(ویب ڈیسک)چیف آف سراوان نواب محمد اسلم خان رئیسانی نے سراوان ہاؤس کانک میں میرسکندرخان ملازئی کے ہمراہ میڈیاکے نمائندوں سے بات چیت کرتے ہوئے کہاکہ ملک کی تمام آکائیوں کو مکمل اختیارات دینے سے ہی ملک چلایاجاسکتاوفاق کے تمام اختیارات اپنے پاس رکھنے سے احساس محرومی میں اضافہ ہوتاجارہاہے۔بلوچستان کے وسائل پر سب سے پہلے بلوچستان کے عوام کا حق ہے بلوچستان کی لیڈرشپ کو اعتماد میں لیئے بغیر سی پیک وریکوڈک پر معاہدے کیئے جارہے ہیں۔جوبلوچستان کے عوام کو ناقابل قبول ہیں۔بلوچستان قدرتی وسائل سے مالا مال ہے مگر فائدہ دیگر حاصل کررہے ہیں اور بلوچستان کے عوام پینے کے پانی کے لئے ترس رہے ہیں۔اور زندگی کے تمام بنیادی صہولیات سے محروم ہیں.بلوچ قوم پر جوظلم ہورہاہے بلوچ نوجوانوں کواٹھااٹھا لاپتہ کیاجارہاہے انکی مسخ شدہ لاشیں برآمدہوررہی ہیں۔ ان تمام مظالم و ناانصافیوں کے خلاف بلوچ قوم کو اتحاد واتفاق کی ضرورت ہے۔تقسیم درتقسیم کی وجہ سے ہم آج اپنے وسائل پر اختیار کے حصول سے دور ہیں اور انشاء اللہ ہم اپنے حقوق اتحاد واتفاق کے ساتھ جمہوری طریقے حاصل کرنے میں ضرور کامیاب ہونگے۔انھوں نے کہاکہ اگر دیکھاجائے کہ سرکاری امیدوار ہو یا کوئی دوسرا امیدوار ہو۔وہ چاہتے ہیں اور انکا مقصد ہے کہ نواب ہار جائے کوئی بھی جیتے مگر میں نہ جیتوں۔مگر انشاء اللہ میں مستونگ کے عوام کے بھر پور تعاون سے جیت جاؤنگا۔انہوں نے کہاکہ مستونگ میرا گھر ہے مجھے جب جب موقع ملا میں نے کے عوام کی اجتماعی مفاد کو مدنظر رکھتے ہوئے کام کیا۔مستونگ میں شہید نواب غوث بخش رئیسانی میموریل ہسپتال،یونی ورسٹی کیمپس،ڈیجیٹل لائیبریری،ٹیکنیکل ٹرینگ سینٹر،ایجوکشنل اینکلو سمیت دیگر اہم عوامی مسائل کے حل کیلئے اقدامات اٹھائے۔