کوئٹہ میں 7500پودے تقسیم

کوئٹہ میں 7500پودے تقسیم

• September 2, 2018, 11:10 pm
• National News
• 205 Views

کوئٹہ ( آئی این پی ) کوئٹہ شہر میں پچھتر ہزار پودے گرین پاکستان بلوچستان پروگرام کے تحت تقسیم کئے گئے ۔ جس کا اہتمام محکمہ جنگلات کے کنز ویٹوفارسٹ ڈویژن کے ذریعے کیا گیا ۔ اس موقع پر مہمان خصوصی اسسٹنٹ کمشنر کوئٹہ سٹی ثانیہ صافی نے عوام میں پودے تقسیم کئے ۔ انکا کہنا تھا کہ اس ضمن میں دوکیمپ لگائے گئے ہیں تاکہ عوام بلین ٹری پروجیکٹ میں بھر پور شرکت کریں۔ گرین پاکستان بلوچستان پروگرام میں شریک ڈائریکٹر جنرل محکمہ تعلقات عامہ شہزادہ فرحت احمد زئی نے بھی عوام و عہدیدران پریس کلب میں پودے تقسیم کئے ۔ اس موقع پر ان کا کہنا تھا کہ درخت بھر پور آکسیجن کی فراہمی کو یقینی بنا تے ہیں او ربڑھتے ہوئے عالمی درجہ حرارت کی روک تھام کرتے ہیں ۔ انکا مزید کہنا تھا کہ کوئٹہ کے عوام اس صدقہ جاریہ میں بھر پور شرکت کریں ۔ اس موقع پر موجود کنزر ویٹو فارسٹ ڈویژن آفیسر سید ناصر شاہ کا کہنا تھا کہ کوئٹہ شہر میں دو سٹال لگائے گئے ہیں ایک زرغون روڈ جبکہ دوسرا سٹال سریاب روڈ پر لگایا گیا ہے جہا ں عوام کو مفت پودے فراہم کئے جائیں گے۔ انکا مزید کہنا تھا کہ یہ شجر کاری مہم بلین ٹری پروجیکٹ کے تحت شروع کیا گیا ہے جس کے تحت اگلے پانچ سالوں میں 10ارب درخت لگائے جائیں گے ۔ انہوں نے اس بات پر زور دیا کہ ان پودوں کولگانے کے بعد انکی بھر پور حفاظت اور مکمل نگہداشت کی جائے تاکہ گرین پاکستان بلوچستان پروگرام کے ثمرات حاصل ہوسکیں۔