وزیراعلیٰ بلوچستان نے وزیر اعلیٰ سیکرٹریٹ میں پودا لگاکر پلانٹ فار پاکستان مہم کا آغاز کیا

وزیراعلیٰ بلوچستان نے وزیر اعلیٰ سیکرٹریٹ میں پودا لگاکر پلانٹ فار پاکستان مہم کا آغاز کیا

• September 2, 2018, 11:10 pm
• National News
• 96 Views

کوئٹہ (ویب ڈیسک) وزیراعلیٰ بلوچستان جام کمال خان نے وزیر اعلیٰ سیکرٹریٹ میں پودا لگاکر پلانٹ فار پاکستان مہم کا آغاز کیا۔وفاقی وزیر محترمہ زبیدہ جلال، صوبائی وزراء میر ضیاء اللہ لانگو، میر ظہور بلیدی، سابق صوبائی وزیر میر سرفراز بگٹی، چیف سیکرٹری بلوچستان ڈاکٹر اختر نذیر اور متعلقہ حکام بھی وزیراعلیٰ کے ہمراہ تھے۔ اس موقع پر بتایا گیا کہ مہم کے آغاز پر صوبہ بھر میں 95ہزار پودے لگائے جارہے ہیں، ضلع، ڈویژن اور صوبائی دارالحکومت کی سرکاری عمارتوں اور اسکولوں کو پودے فراہم کئے گئے ہیں جنہیں آج کے دن لگایا جائے گا جبکہ مہم کے تحت آئندہ پانچ سال میں دس ارب پودے لگانے کا حدف مقرر کیا گیا ہے۔ وزیر اعلیٰ نے اس موقع پر ہدایت کی کہ صرف پودے لگانا کافی نہیں بلکہ ان کے نگہداشت اور دیکھ بھال کے لئے مناسب انتظام کرنے کی بھی ضرورت ہے تاکہ ان پودوں کی نشوونما کے ذریعے انہیں تناور درخت بنایا جاسکے جس سے ماحول پر مثبت اثرات مرتب ہوں گے۔ انہوں نے کہا کہ اگر پودوں کی نگہداشت نہیں کی گئی تو یہ وسائل کا ضیاع ہوگا ۔ وزیر اعلیٰ نے عوام بلخصوص طالب علموں میں شجرکاری مہم کا شعور و آگاہی اجاگر کرنے کی ضرورت پر زور دیا اور عوام الناس سے اپیل کی کہ وہ اپنے گلی محلوں میں کم از کم ایک پودا ضرور لگائیں اور اس کی دیکھ بھال بھی کریں۔ اس موقع پر وفاقی اور صوبائی وزراء اور چیف سیکرٹری بلوچستان نے بھی پودے لگائیں۔