سینیٹ انتخابات میں اے این پی اور بی این پی اتحادی ہونگے ہم بی اے پی کو مایوس نہیں کریں گے،اصغر خان اچکزئی

  • September 2, 2018, 11:09 pm
  • National News
  • 357 Views

کوئٹہ (ویب ڈیسک) عوامی نیشنل پارٹی کے صوبائی صدرو بلوچستان اسمبلی پارلیمانی لیڈر اصغر خان اچکزئی نے کہا ہے کہ سینیٹ انتخابات میں عوامی نیشنل پارٹی اور بلوچستان نیشنل پارٹی اتحادی ہونگی ہم بی اے پی کو مایوس نہیں کریں گے ،12ستمبر کو ہونے والے سینیٹ کے انتخابات میں حمایت کے حوالے سے حتمی اعلان پارلیمانی پارٹی کے رہنماؤں سے مشاورت کے بعد کیا جائیگا ، انہوں نے یہ بات اتوار کے روز ارباب ہاؤس کوئٹہ میں سینیٹ انتخابات میں بلوچستان عوامی پارٹی کے امیدوار میر سرفراز بگٹی سے ملاقات کے بعد صحافیوں سے گفتگو کرتے ہوئے کہی ، اس موقع پر صوبائی وزیر جنگلات میر ضیا اللہ لانگو ،اے این پی کے رہنماء نوابزادہ عمر فاروق کاسی بھی انکے ہمراہ تھے ،اصغر خان اچکزئی نے کہا کہ 12ستمبر کو بلوچستان میں سینیٹ کی ایک نشست پر انتخابات کے حوالے سے میر سرفراز بگٹی تشریف لائے اور ہماری حمایت مانگی ہے انہوں نے کہا کہ ہماری جماعتیں صوبے میں اتحادی ہیں اس حوالے سے ہمارے درمیان پہلے بھی بات چیت ہوئی ہے ایک دو روز میں ہمارے پارلیمانی رہنماء اور وزیراعلیٰ میر جام کمال کی موجودگی میں نشست ہوگی جس میں مختلف امور پر مشاورت ہوگی اور حمایت سے متعلق حتمی فیصلہ کیا جائیگا ،اس موقع پر بات چیت کرتے ہوئے سابق وزیرداخلہ میر سرفراز بگٹی نے کہا کہ اے این پی ہماری جماعت بلوچستان عوامی پارٹی کی اتحادی ہے،امید ہے کہ اے این پی سینیٹ کے ضمنی انتخاب میں ہمارا ساتھ دیگی،صوبائی اسمبلی میں بی اے پی کی اکثریت ہے،امید ہے سینیٹ کی نشست بی اے پی جیتے گیاگلے دو دن میں ایک بار پھر مذاکرات ہونگے امید ہے مثبت نتیجہ نکلے گا انہوں نے کہا کہ اے این پی ہماری شریف اتحادی ہے ہم انکے ساتھ خوش ہیں اے این پی نے کبھی لین دین کی سیاست نہیں کی جس کے باعث انہوں نے سینیٹ میں امیدوار کے کاغذات بھی داخل نہیں کیے بلوچستان کی ایک کہانی ہے جس کی آواز ماضی میں منتخب ہونے والوں نے اپنے مفاد کے آواز نہیں اٹھائی،اگر کامیاب ہوئے تو مرکز میں صوبے کیلئے آواز اٹھائیں گے،سرفراز بگٹی نے مزید کہا کہ پی ٹی آئی ہماری اتحادی ہے امید ہے کہ وہ اپنے امیدوار کو دستبردار کرائے گے

Featured News