عالم اسلام کو متحد ہو کر ہالینڈ میں توہین آمیز خاکوں کی اشاعت کو روکنے کے لیے مشترکہ لائحہ عمل دینا چاہیے ، مولانا ہاشمی

  • August 30, 2018, 11:14 pm
  • National News
  • 57 Views

کوئٹہ(پ ر)جماعت اسلامی کے صوبائی امیر مولانا عبدالحق ہاشمی نے کہا کہ عالم اسلام کو متحد ہو کر ہالینڈ میں توہین آمیز خاکوں کی اشاعت کو روکنے کے لیے مشترکہ لائحہ عمل دینا چاہیے ۔ او آئی سی کا اجلاس بلا کر اس بارے میں فوری اقدامات کرنے کی ضرورت ہے ۔ حکومت باتوں اور مطالبات سے آگے بڑھ کر عملی اقدامات کرے ، نیدر لینڈ اور ہالینڈ سے اپنے سفیر وں کو واپس بلائے اور ان کے سفیروں کو ملک بدر کیا جائے ۔کفار نبی پاک ﷺ کی شان میں گستاخی کرکے دہشت گردی کے مرتکب ہورہے ہیں مسلم ممالک کی بے اتفاقی ،بے حسی وغفلت کی وجہ سے دہشت گردممالک توہین رسالت کر رہے ہیں ہم سب کو ملکر اس ظلم کے خلاف آوازبلند کرنا ہوگا ۔انہوں نے کہا کہ حکومت توہین رسالت کرنے والے ممالک کے ساتھ اس وقت تک سفارتی اور تجارتی تعلقات منقطع رکھے جب تک وہ اپنے شہریوں کو اس قبیح حرکت سے روک نہیں دیتے ۔ خاتم النبیین حضرت محمد صلی اللہ علیہ وسلم کی ناموس کے تحفظ کے لیے پوری امت کو اٹھ کھڑنا ہوناچاہیے خاص طور پر عالم اسلام کے حکمرانوں کو توہین آمیز خاکوں کو روکنے کے لیے آخری حد تک جانا چاہیے اور اقوام متحدہ اور ان بدبخت ممالک کو واضح پیغام دیا جائے جو خاتم النبیینؐ کے خاکے بنانے کے مقابلے کروا رہے ہیں ۔کوئی غیر ت مند مسلمان نبی پاک ﷺ کی شان میں گستاخی کسی صورت قبول نہیں کریگی ۔توہین رسالت کرنے والوں کے خلاف ہر محاذ پر ڈٹ کرنا جدوجہد کرناہوگاجماعت اسلامی نے پہلے بھی اس قسم کی گستاخی کے خلاف جدوجہد کیا ہے آئند ہ بھی ہم اس میدان میں عوام کیساتھ ملکر کفر کی دہشت گردی کے خلاف جدوجہد کریں گے۔ ملک بھر کی دینی جماعتوں میں ختم نبوت کے قانون کے حوالے سے ایک تشویش پائی جاتی ہے جس کی اصل وجہ قادیانیوں کو مسلمانوں کی ووٹر لسٹوں میں شامل کرنے کے اقدامات ہیں ۔ قادیانیوں کی سازشوں پر سب کو نظر رکھناچاہیے اور اس کے روک تھام کیلئے ہر اقدام بروقت کرنا ہوگا انہوں نے مطالبہ کیا کہ الیکشن ایکٹ 2017 ء کی دفعہ 48-A1 پر عملدرآمد کو یقینی بنایا جائے اور ختم نبوت پر ایمان نہ رکھنے والے کسی غیر مسلم کو مسلمانوں کی فہرستوں میں شامل نہ کیاجائے ۔

Featured News