انتخابات میں الیکشن کمیشن کا کردار اب بھی سوالیہ نشان ہے ، محمود اچکزئی

انتخابات میں الیکشن کمیشن کا کردار اب بھی سوالیہ نشان ہے ، محمود اچکزئی

• August 15, 2018, 11:45 pm
• National News
• 190 Views

کوئٹہ(آن لائن)پشتونخواملی عوامی پارٹی کے سربراہ محمود خان اچکزئی نے کہا ہے کہ ملک میں صاف وشفاف انتخابات ہو تے تو جمہوری قو تیں جیت جاتیں مگر بد قسمتی سے اداروں نے جس طرح عام انتخابات میں مداخلت کر کے اپنی من پسند جماعتوں کو جتوانے میں کردار ادا کیا جب قوم کے حقوق کی بات نا اہل لوگ کریں گے تو پھر ملک کبھی بھی ترقی نہیں کر سکتا افغانستان میں امن نہیں ہو گا تو خطہ بھی ناکامی سے دوچار ہو گا پرامن افغانستان کے لئے سب کو اپنا کردار ادا کرنا ہو گا پشتونخواملی عوامی پارٹی جمہوریت کے لئے کردا رادا کریگی عام انتخابات میں الیکشن کمیشن نے اپنا کردا رادا نہیں کیا جو ایک سوالیہ نشان ہے عام انتخابات میں تمام جمہوری قو توں نے دھاندلی کے خلاف آواز اٹھائی ان خیالات کا اظہار انہوں نے ایک نجی ٹی وی سے بات چیت کر تے ہوئے کیا پشتونخواملی عوامی پارٹی کے چیئرمین محمود خان اچکزئی نے کہا ہے کہ ملک کو ہمیشہ بحرانوں سے دوچارکیاگیا لیکن ہم نے تمام تر مشکلات اور نا مساعد حالات کے باوجود ملک میں جمہوری نظام کے لئے جدوجہد کی اور یہاں پر ہر جمہوری حکومت کا خاتمہ غیر آئینی اور غیر جمہوری طریقے سے کیا گیا جب ذوالفقار علی بھٹو وزیراعظم بنے تو کچھ عرصے بعد مردہ باد اور زندہ باد کے نعروں پر پھانسی پر چڑھا دیا پاکستان ایک رضا کارانہ فیڈریشن ہے اور یہاں تمام اقوام کو ان کے حقوق دینا ہونگے اور وفاق کو ماضی میں اپنی مرضی سے چلایا گیا اورصوبوں کو حقوق نہیں دیئے گئے آج بھی میں گارئنٹی سے کہتا ہوں کہ اگر پشتون ، بلوچ، سندھی، سرائیکی اقوام کو وسائل پر ان کا حق دیا جائے تو ملک آج بھی ایشین ٹائیگر بن سکتا ہے مگربد قسمتی سے ہمارے اداروں نے ہمیشہ بڑے بلنڈر کئے ہیں جس کی وجہ سے حالات مشکل سے مشکل ہو تے جار ہے ہیں انہوں نے کہا کہ ہمیں کسی سے سرٹیفکیٹ لینے کی ضرورت نہیں ہے ہم نے آئین، جمہوریت اور قانون کی بالادستی کی بات کی ہے اگر اس پر ہمیں غدار ٹھہرایا جا رہا ہے تو پھر ہم کچھ نہیں کہہ سکتے یہاں پر ہمارے اکابرین کو بھی مختلف القابات سے نوازا گیامگر آج پوری دنیا کو پتہ ہے کہ ہمارے اکابرین نے کبھی بھی غداری کی بات نہیں کی اور نہ ہی کبھی اصولوں پر سودا بازی کی آج وہ لوگ غدار بن رہے ہیں جنہوں نے یہاں پر محب وطن لو گوں پر غداری کے الزامات لگائے انہوں نے کہا ہے کہ آج بھی اگر صا ف وشفاف انتخابات ہو جائے اور عوام کو اپنے منتخب نمائندوں کاحق دیا جائے تو جمہوری قو تیں جیت جائیں گی یہ عوام پر منحصرہے کہ وہ کس کو منتخب کرنا چا ہتے ہیں انہوں نے کہا کہ2013 کے انتخابات میں ہمارے اداروں نے کوئی مداخلت نہیں کی جس کی وجہ سے صاف وشفاف انتخابات ہوئے اس مرتبہ ریکارڈ دھاندلی کی گئی ۔