بلوچستان کے حقوق کیلئے ہر فورم پر آواز اٹھائیں گے ، سردار اخترمینگل

بلوچستان کے حقوق کیلئے ہر فورم پر آواز اٹھائیں گے ، سردار اخترمینگل

• August 15, 2018, 11:45 pm
• National News
• 143 Views

کوئٹہ(آن لائن)بلوچستان نیشنل پارٹی کے سربراہ سردار اختر جان مینگل نے کہا ہے کہ بلوچستان کے حقوق کے لئے ہر فورم پر آواز اٹھائیں گے بلوچستان کے مسائل پر من وعن عمل نہ کیا گیا ہم رہیںیا نہ رہیں لیکن اس ایوان میں ہمارے مسائل گونجتے رہیں گے بلوچستان کے عوام نے ایوب خان، ضیاء الحق اور پرویز مشرف کے آمرانہ دور کا مقابلہ کیا قومی جدوجہد سے پہلے خائف ہوئے اور نہ آئندہ ہونگے ان خیالا کا اظہار انہوں نے قومی اسمبلی کے اجلاس سے خطاب کر تے ہوئے کیا سردار اختر جان مینگل نے کہا ہے کہ ہم لو گ اس علاقے سے آئے ہیں جہاں پر اب تک سکول نہیں کھلے ہیں ہم جیسے لو گوں کو قبائلی سمجھا جا تا ہے ہم نے کہا ہے کہ یہاں آکر کچھ سیکھ لیں گے مگر یہاں تو اور بری حالت ہے ہمارے لو گوں نے جس مشکل وقت اور گٹھن حالات کے بعد ہمیں قومی اسمبلی بھیجا تاکہ بلوچستان کی آواز اور وہاں پر مظالم کے آواز یہاں پہنچائیں گے اللہ نے زندگی اور اسمبلی کی مقررہ مدت پوری کی تو مظلوم کی آواز یہاں کے نمائندے سنتے رہیں گے جو کچھ سیکھنے کے لئے آئے تھے اس پسماندہ اور چھوٹے صوبے جن کی بلوچستان کی اسمبلی میں تعداد43 تھی قدرتی اور سرکاری آفتوں کے بعد اسمبلی اراکین کی تعداد45 ہو گئی آج جو کچھ سیکھا یقین کر تے ہیں کہ وہاں جا کر نہیں بتلائیں گے کہ وہاں کیا ہو رہا ہے آپ پڑھے لکھے لوگ ہیں ہم تو قبائلی، روایتی اور ان علاقوں سے تعلق رکھتے ہیں جہاں وہاں پر آج بھی غربت اور پسماندگی ہے انہوں نے کہا ہے کہ بلوچستان نیشنل پارٹی نے ہمیشہ آمرانہ قوتوں کا ڈٹ کر مقابلہ کیا ہے چاہے وہ ایوب خان کا مارشل لاء تھا، ضیا الحق یا پرویز مشرف کا مارشل لاء دور تھے کیونکہ ایوب خان کے دور میں نواب نوروز خان اور ان کے ساتھیوں کو شہید کیا اور مشرف کے دور میں نواب اکبر بگٹی کو شہید کیا گیا ہم قومی جدوجہد سے نہ پہلے خائف تھے اور نہ آئندہ ہونگے بلوچستان کے حقوق کے لئے ہر فورم پر آواز اٹھائیں گے ۔