حکومت سازی کے حوالے سے بلوچستان نیشنل پارٹی نے مطالبات پیش کر دیئے ہیں ،عبدالولی کاکڑ

حکومت سازی کے حوالے سے بلوچستان نیشنل پارٹی نے مطالبات پیش کر دیئے ہیں ،عبدالولی کاکڑ

• August 6, 2018, 11:11 pm
• National News
• 216 Views

کوئٹہ (آن لائن)بلوچستان نیشنل پارٹی کے مرکزی سینئر نائب صدر ملک عبدالولی کاکڑ نے کہا ہے کہ بلوچستان حکومت میں شامل ہونے سے پہلے بلوچستان نیشنل پارٹی نے اپنے مطالبات پیش کر دیئے اگر مطالبات پر عمل درآمد ہوا تو حکومت میں شامل ہونگے اگر مطالبات پر عملدرآمد نہ ہوا تو آئندہ کے لائحہ عمل کے لئے پارٹی کا اجلاس بلا کر لائحہ عمل طے کیا جائیگا ان خیالات کا اظہا رانہوں نے ’’ آن لائن‘‘ سے خصوصی بات چیت کرتے ہوئے کیا انہوں نے کہا ہے کہ بلوچستان میں حکومت سازی کے حوالے سے بلوچستان نیشنل پارٹی نے مطالبات پیش کر دیئے ہیں مطالبات میں لاپتہ افراد کی بازیابی اور سی پیک کا دفتر دیگر صوبوں کی طرح بلوچستان میں بھی ہونا چا ہئے امن وامان اور صوبے کی خودمختاری اور ساحل ووسائل بلوچستان حکومت کے حوالے کیا جائے تب ہم حکومت میں شامل ہونگے جو مطالبات پیش کئے گئے ہیں اگر ان پر عملدرآمد نہ ہوا تو ہم کسی کیساتھ جانے کے لئے تیار نہیں ہے اگر مطالبات تسلیم کئے گئے تو ہم ان کیساتھ جانے کے لئے تیار ہے کیونکہ جو نکات ہم نے پیش کئے ہیں یہ وہ نکات ہے جس بنیاد پر ہم نے انتخابات میں کامیابی حاصل کی ہے اور عوام کے اعتماد کو کسی صورت ٹھیس نہیں پہنچائیں گے کیونکہ ماضی میں جس طرح حالات تھے اور یہاں کرپشن، اقرباء پروری عروج پر تھا ان تمام تر صورتحال کو کنٹرول کرنے کے لئے بلوچستان نیشنل پارٹی اس حوالے سے مشاورت کر رہی ہے انہوں نے کہا ہے کہ اگر تمام تر حالات کے باوجود مطالبات پر عملدرآمد نہ ہوئے تو پارٹی کا اجلاس بلا کر سینٹرل کمیٹی اور پارٹی رہنماؤں سے بار ے مشاورت کر ینگے اور پھر آئندہ کا لائحہ عمل طے کر کے مزید اقدام اٹھائیں گے۔