کرپشن وکمیشن سے پاک حکومت بلوچستان کی ضرورت ہے ، ایچ ڈی پی

کرپشن وکمیشن سے پاک حکومت بلوچستان کی ضرورت ہے ، ایچ ڈی پی

• August 2, 2018, 11:17 pm
• National News
• 177 Views

کوئٹہ(پ ر) ہزارہ ڈیموکریٹک پارٹی کے مر کزی بیان میں نئی بننے والی صوبائی حکومت سے توقع ظاہر کی ہے کہ وہ کرپشن سے پاک ایک ایسی کابینہ تشکیل دینگے جو صوبے کی حقیقی ترقی و خوشحالی کا ایجنڈہ رکھتا ہو اور اپنے پروگرام و صوبے کے عوام کے ساتھ مخلص ہو کر بلا تفریق ،رنگ و نسل ،مذہب و عقیدہ صوبے کے تمام اقوام و قبائل کی یکساں ترقی کیلئے کام کرینگے،اس سے قبل آنے والے ہر دور میں صوبے کو دانستہ طور پر پسماندہ رکھ کر یہاں کے وسائل بندر بانٹ اور اختیارات اقرباپروری اور خاندانی اثر رسوخ بڑھانے کیلئے استعمال ہوتے رہے ہیں جس کی وجہ سے صوبے میں غر بت اور بے روزگاری ،مہنگائی میں اضافہ ہوتا رہا ہے سالانہ اربوں روپے کے ترقیاتی فنڈز آنے کے باوجود صوبے کے کسی حصے میں کسی قسم کی ترقی نظر نہیں آرہی تعلیمی ادارے کھلے آسمانوں تلے درختوں کے نیچے قائم ہیں ،پینے کا پانی عوام کو نہیں مل رہا ،صحت کے مسائل میں روز کے حساب سے اضافہ دیکھنے کو مل رہاہے،بیان میں کہا گیا کہ بے پناہ وسائل کے باوجود پورے صوبے میں ایک بھی معیاری اہسپتال موجود نہیں کیڈنی سینٹرمیں مشینیں،امراض قلب کے شعبہ سمیت ہر طرف اندھیر نگری مچی ہوئی ہے ،کوئی ایک معیاری درس گاہ نہیں،جہاں طالبعلموں کی تعلیم کے ساتھ مناسب تربیت ہو سکے،سرکاری اسکولوں میں اساتذہ صرف ڈیوٹی دینے آتے ہیں جبکہ تدریس جیسے مقدس پیشے سے کسی کو حقیقی معنوں میں کسی قسم کا لگاؤ نہیں،ایسی صورتحال صوبے کے تمام محکموں کو در پیش ہے کوئی بھی خلوص نیک نیتی کے ساتھ اپنی ذمہ داری ادا نہیں کر رہا اس تمام صورتحال کی وجہ سے صوبے کے کسی شعبہ میں ترقی دیکھنے کو نہیں مل رہی کرپشن و کمیشن نے صوبے کو جڑوں سے کھوکلا کرکے رکھ دیا ہے اب ضروری ہو گیا ہے کہ آنے والی حکومت زندگی کے تمام شعبوں کی طرف خصوصی توجہ دے کر صوبے کو پسماندگی، غربت اور بیروزگاری سے نکالنے میں اپنا مخلصانہ کردار ادا کرے۔